நீங்கள் தேடியது "கூடுதல் மழை"

சென்னை:

வளிமண்டல மேலடுக்கு சுழற்சி காரணமாக தமிழகத்தில் பரவலாக மழை பெய்து வருகிறது. கடந்த 24 மணி நேரத்தில் அதிகபட்சமாக திருபுவனத்தில் 15 செமீ மழை பெய்துள்ளது. மானாமதுரையில் 13 செமீ, சித்தம்பட்டியில் 12 செமீ, ராமேஸ்வரத்தில் 9 செமீ, பரமக்குடியில் 8 செமீ மழை பதிவாகி உள்ளது.

அரபிக் கடலில் உருவான காற்றழுத்த தாழ்வு பகுதி காரணமாக கடல் கொந்தளிப்புடன் காணப்படுகிறது. எனவே, மீனவர்கள் கடலுக்குச் செல்ல வேண்டாம் என எச்சரிக்கப்பட்டுள்ளது. ஏற்கனவே ஆழ்கடலுக்குச் சென்ற மீனவர்களும் உடனடியாக கரை திரும்பும்படி வேண்டுகோள் விடுக்கப்பட்டது. எனினும் சில மீனவர்களுக்கு இந்த தகவல் கிடைக்காததால் அவர்கள் கரை திரும்புவதில் தாமதம் ஏற்பட்டுள்ளது.


தமிழகத்தில் இந்த சீசனில் 29 மாவட்டங்களில் இயல்பைவிட கூடுதல் மழை கிடைத்துள்ளது. வடகிழக்கு பருவமழையை எதிர்கொள்ள தயாராக இருக்கிறோம். பருவமழை குறித்து மக்கள் அச்சப்ட தேவையில்லை. மூத்த ஐஏஎஸ் அதிகாரிகள் தங்களுக்கு ஒதுக்கப்பட்ட இடங்களில் ஆய்வு செய்து வருகின்றனர்.

கடலுக்கு சென்று திரும்பாத 132 படகுகளில் 86 படகுகளுக்கு தகவல் தெரிவிக்கப்பட்டுள்ளது. கன்னியாகுமரியில் 46 படகுகள் தகவல் தொடர்பின்றி இருக்கின்றன. 15 படகுகளுக்கு தகவல் தெரிவிக்க முயற்சி மேற்கொள்ளப்பட்டுள்ளது.

கிழக்கு மத்திய மற்றும் தென்கிழக்கு அரபிக் கடலில் உருவான காற்றழுத்த தாழ்வு நிலை ‘லுபான்’ என்ற புயலாக மாறி ஓமனை நோக்கி நகரும் என வானிலை மையம் தெரிவித்துள்ளது.

இவ்வாறு அமைச்சர் உதயகுமார் கூறினார். #TNRain #MinisterUdhayaKumar

நெல்லை:

நெல்லை மாவட்டத்தில் கடந்த மே மாதம் இறுதியில் தென்மேற்கு பருவ மழை தொடங்கியது. தொடர்ந்து ஆகஸ்டு மாதம் இறுதிவரை மழை பெய்தது.

இதனால் மாவட்டத்தில் உள்ள 11 அணைகளில் பிரதான பாசன அணையான பாபநாசம், சேர்வலாறு, கடனாநதி, ராமநதி, கருப்பாநதி, குண்டாறு, கொடு முடியாறு, அடவிநயினார் ஆகிய அணைகள் நிரம்பின. மொத்தமுள்ள 11 அணைகளிலும் நீர் இருப்பு மொத்த கொள்ளளவு 13 ஆயிரத்து 771 மில்லியன் கன அடியாகும்.

தாமிரபரணி பாசனத்தில் சராசரியாக ஆண்டுக்கு 1084 மில்லிமீட்டர் மழை பெய்வது வழக்கம். கடந்த சில ஆண்டுகளாக மாவட்டத்தில் வடகிழக்கு, தென்மேற்கு பருவமழை குறைவாகவே பெய்தன. ஆண்டுக்கு சராசரியாக 814.80 மில்லிமீட்டர் மழையே பெய்தது. இதன்காரணமாக அணைகள் முழு அளவில் நிரம்பவில்லை. பாசனத்துக்கும் முழுமையாக தண்ணீர் கிடைக்கவில்லை.

இந்த ஆண்டு வழக்கத்தை விட கூடுதலாக மழை பெய்துள்ளது. இந்த ஆண்டில் ஜூன் மாதம் முதல் ஆகஸ்ட் மாதம் வரை மாவட்டத்தில் 278 மி.மீ. மழை பதிவாகி உள்ளது. இது இயல்பைவிட 165 சதவீதம் அதிகமாகும். பாபநாசம் உள்ளிட்ட அணைப்பகுதிகளிலும், அம்பை, தென்காசி பகுதிகளிலும் அதிகபட்ச மழை பெய்தது. பாபநாசம் அணையில் மொத்தம் 441 மில்லிமீட்டரும், செங்கோட்டை குண்டாறு பகுதியில் 563 மில்லிமீட்டர் மழையும் பதிவானது.

பொதுவாக ஆகஸ்டு மாதம் மட்டுமே சராசரியாக 23.30 மில்லிமீட்டர் மழை பெய்யவேண்டும். ஆனால் இந்த ஆண்டு ஆகஸ்டு மாதத்தில் மட்டும் 137.76 மில்லிமீட்டர் மழை பதிவாகியுள்ளது. கடந்த 18 ஆண்டுகளில் இது அதிகபட்சம் ஆகும். 2006, 2008, 2011, 2014 மற்றும் 2015 ஆண்டுகளில் சராசரியான மழையை விட கூடுதல் மழை பெய்தது. இந்த ஆண்டு 518.56 மில்லிமீட்டர் பெய்துள்ளது. இது வழக்கத்தை விட 74 சதவீதம் அதிகமாகும்.

இதன்காரணமாக மாவட்டம் முழுவதும் உள்ள அணைகளில் மொத்தம் 9055.23 மில்லியன் கன அடி தண்ணீர் இருப்பு உள்ளது. இது கடந்த ஆண்டை விட 60 சதவீதம் கூடுதலாகும்.

இது விவசாயிகளை மகிழ்ச்சி அடைய செய்துள்ளது. இதனால் இந்த ஆண்டு நவம்பர் மாதம் பிசான சாகுபடிக்கு உரிய நேரத்தில் தண்ணீர் கிடைக்கும் என்று விவசாயிகள் நம்புகின்றனர்.

இதனிடையே பாபநாசம், சேர்வலாறு அணைகளில் இருந்து தொடர்ந்து அதிகளவில் தண்ணீர் வெளியேற்றப்பட்டு வருவதால், இந்த அணைகளில் நீர்மட்டம் வேகமாக சரிந்து வருகிறது. கடந்த 20-ந்தேதி பாபநாசம் அணை நீர்மட்டம் 141.80 அடியாக இருந்தது. தொடர்ந்து அதிக அளவில் தண்ணீர் வெளியேற்றப்படுவதால் 10 நாட்களில் இந்த அணை நீர்மட்டம் 10 அடி குறைந்து, நேற்று 130.20 அடியாக இருந்தது. இன்று இந்த அணை நீர்மட்டம் 128.95 அடியாக உள்ளது.

சேர்வலாறு அணை நீர்மட்டம் கடந்த 20-ந் தேதி 146.09 அடியாக இருந்தது. 10 நாட்களில் இந்த அணை நீர்மட்டம் 25 அடி குறைந்து நேற்று 120.47 அடியாக இருந்தது. இன்று இது 119.88 அடியாக உள்ளது.

பாபநாசம் அணையில் இருந்து விநாடிக்கு 1,405 கனஅடி நீரும், சேர்வலாறு அணையில் இருந்து விநாடிக்கு 2003 கனஅடி நீரும் நேற்று வெளியேற்றப்படுகிற‌து.

இதேபோல் மற்ற அணைகளிலும் அதிகளவு தண்ணீர் வெளியேற்றப்படுகிறது. இது விவசாயிகளை கவலை அடைய செய்துள்ளது. எனவே விவசாயிகள் நலனை கருத்தில் கொண்டு அணைகளில் நீர் இருப்பு வைத்து பிசான சாகுபடிக்கு உரியநேரத்தில் தண்ணீர் திறக்கவேண்டும் என கோரிக்கை எழுந்துள்ளது. #NellaiRain